ആക്രമിക്കപ്പെട്ട നടിക്ക് നീതി ലഭിക്കുമെന്ന് ഉറപ്പാക്കാൻ മുഖ്യമന്ത്രി ഇടപെടണമെന്ന് വിമൻ ഇൻ സിനിമ കളക്ടീവ്. നടി ആക്രമിക്കപ്പെട്ട കേസിൽ വിചാരണ കോടതിക്കെതിരെ പ്രോസിക്യൂഷൻ രംഗത്തെത്തിയ സാഹചര്യത്തിലാണ് ഡബ്ല്യൂസിസിയുടെ പ്രതികരണം. മൂന്നുവർഷമായി നീതിക്കുവേണ്ടി കാത്തിരിക്കുകയാണ്. അതിൽ ഇനിയും അനിശ്ചിതത്വം ഉണ്ടാക്കുന്നത് ദുരന്തമാണ്. ഇക്കാര്യത്തിൽ പൊതു സമൂഹവും മുഖ്യമന്ത്രിയും അടിയന്തരമായി ഇടപെടണമെന്ന് ഡബ്ല്യുസിസി പറഞ്ഞു.
പ്രത്യേക കോടതിയിൽ നിന്നും നടിക്ക് നീതി ലഭിക്കില്ലെന്നും ജഡ്ജിയെ മാറ്റണമെന്നും ആവശ്യപ്പെട്ട് പ്രോസിക്യൂഷൻ കോടതിയെ സമീപിച്ചിരുന്നു. കോടതി പക്ഷാപാതത്തോടെയാണ് പെരുമാറുന്നതെന്നും പ്രോസിക്യൂഷൻ ആരോപിച്ചിരുന്നു. ആക്രമിക്കപ്പെട്ട സഹപ്രവർത്തകയ്ക്ക് നീതി ഉറപ്പാക്കുകയെന്നത് രാജ്യത്തെ പെൺകുട്ടികളുടേയും സ്ത്രീകളുടേയും ഭാവിയിൽ കരുതലുള്ള മുഴുവൻ ആളുകളുടേയും ഉത്തരവാദിത്വമായിരിക്കണമെന്നും ഡബ്ല്യൂസിസി ഓർമ്മിപ്പിക്കുന്നു.
ഫേസ്ബുക്ക് പോസ്റ്റിൻ്റെ പൂർണരൂപം
content highlights: Wcc Facebook post on the allegation about the judge in actress attacking case
