ദില്ലിയിലെ കർഷക സമരത്തിന് പിന്തുണയറിയിച്ച് നാളെ മുതൽ കേരളത്തിലും അനിശ്ചിതകാല സമരം നടത്തും. കർഷക സംഘടനകൾ സത്യാഗ്രഹമിരിക്കും. കർഷക പ്രക്ഷോഭം പതിനാറാം ദിവസത്തിലേക്ക് കടന്നിരിക്കുന്ന സാഹചര്യത്തിൽ ട്രെയിൻ തടയൽ സമരം അടക്കം പ്രഖ്യാപിച്ച് പ്രക്ഷോഭം കൂടുതൽ കടുപ്പിക്കുകയാണ് കർഷക സംഘടനകൾ.
നാളെ ദില്ലി- ജയ്പൂർ, ദില്ലി- ആഗ്ര ദേശീയ പാതകൾ ഉപരോധിക്കും. തിങ്കളാഴ്ചയാണ് രാജ്യ വ്യാപകമായി ജില്ലാ ആസ്ഥാനങ്ങളിൽ പ്രതിഷേധ റാലികളും ബിജെപി ഓഫീസുകളിലേക്ക് മാർച്ചും തീരുമാനിച്ചിരിക്കുന്നത്. സർക്കാർ മുന്നോട്ടു വെച്ച എട്ട് ഭേദഗതികൾ അംഗീകരിച്ച് സമരം അവസാനിപ്പിക്കാൻ കർഷക സംഘടനകൾ തയ്യാറാകണമെന്ന് കേന്ദ്ര കൃഷി മന്ത്രി നരേന്ദ്ര സിംഗ് തോമർ ഇന്നലെ ആവശ്യപെട്ടിരുന്നു. എന്നാൽ നിയമം പിൻവലിക്കാതെ ഒരു വിട്ടുവീഴ്ചക്കും തയ്യാറല്ലെന്നാണ് കർഷക സംഘടനകൾ വ്യക്തമാക്കുന്നത്.
Content Highlights; Kerala farmers organization support protest in Delhi
