ന്യൂഡല്‍ഹി: രാജ്യത്തിന് തെളിച്ചവും സന്തോഷവും നിറഞ്ഞ ദീപാവലി ആശംസിച്ച് പ്രധാനമന്ത്രി നരേന്ദ്രമോദി. ട്വിറ്ററിലൂടെയായിരുന്നു പ്രധാനമന്ത്രിയുടെ ആശംസ. ഈ വര്‍ഷത്തെ ദീപാവലിയും പ്രധാനമന്ത്രി സൈനികര്‍ക്കൊപ്പമാണ് ആഘോഷിക്കുന്നത്.
सभी देशवासियों को दीपावली की हार्दिक मंगलकामनाएं।
Wishing everyone a Happy Diwali! May this festival further brightness and happiness. May everyone be prosperous and healthy.
— Narendra Modi (@narendramodi) November 14, 2020
കഴിഞ്ഞ ആറ് വര്‍ഷമായി പാലിക്കുന്ന അതേ രീതി തന്നെയാണ് മോദി ഇത്തവണയും പിന്തുടരുന്നത്. അതിര്‍ത്തി കാക്കുന്ന സൈനികര്‍ക്കൊപ്പമാണ് കഴിഞ്ഞ ആറ് വര്‍ഷമായി പ്രധാനമന്ത്രിയുടെ ദീപാവലി ആഘോഷം. മധുരം വിതരണം ചെയ്തും സൈനികര്‍ക്ക് ആശംസകള്‍ നേര്‍ന്നുമാണ് മോദിയുടെ മടക്കം.
ഇത്തവണത്തെ ദീപാവലി ദിനത്തില്‍ സൈനികര്‍ക്കായി ഒരു ദീപം തെളിയിക്കണമെന്നും അദ്ദേഹം ട്വിറ്ററിലൂടെ ആഹ്വാനം ചെയ്തിരുന്നു. രാജസ്ഥാനിലെ ജയ്‌സാല്‍മെറിലാണ് പ്രധാനമന്ത്രിയുടെ ഇത്തവണത്തെ ദീപാവലി ആഘോഷം. കൊവിഡ് പശ്ചാത്തലത്തില്‍ ജനങ്ങള്‍ക്ക് നല്ല ആരോഗ്യവും പ്രധാനമന്ത്രി ആശംസിച്ചു.
Content Highlight: PM Narendra Modi wishing Diwali to all
