തിരഞ്ഞെടുപ്പ് പ്രചാരണങ്ങൾ വിലയിരുത്തുന്നകിനായി അമിത് ഷാ ചെന്നൈയിലെത്തി. മുഖ്യമന്ത്രി എടപ്പാട് പളനിസ്വാമി ഉപമുഖ്യമന്ത്രി ഒ പനീർസെൽവം ഉൾപെടെയുള്ളവർ വിമാനത്താവളത്തിൽ എത്തി അമിത് ഷായെ സ്വീകരിച്ചു. അമിത് ഷാക്ക് ചെന്നൈയിൽ വൻ വരവേൽപ്പായിരുന്നു ബിജെപി ഒരുക്കിയത്. വാഹനത്തിൽ നിന്നിറങ്ങി പ്രവർത്തകരെ അമിത് ഷാ അഭിവാദ്യം ചെയ്തു. എംജിആർ ജയലളിത അനുസ്മരണ സമ്മേളനത്തിൽ അൽപ്പ സമയത്തിനകം അമിത് ഷാ പങ്കെടുക്കും.
അനുസ്മരണ സമ്മേളനത്തിൽ മുഖ്യാതിഥിയാണ് അമിത് ഷാ. ബിജെപി കോർ കമ്മിറ്റി യോഗവും സർക്കാർ പരിപാടികളുമാണ് സന്ദർശന പട്ടികയിൽ എങ്കിലും നിർണ്ണായക സഖ്യ ചർച്ചകളാണ് മുഖ്യമായുള്ളത്. സ്റ്റാലിനുമായി അകന്ന് നിൽക്കുന്ന എം കെ അളഗിരി അമിത് ഷായെ ചെന്നെെയിലെത്തി കാണും. സ്റ്റാലിൻ വിട്ടുവീഴ്ചക്ക് തയ്യാറല്ലാത്തതിനാൽ പുതിയ പാർട്ടി രൂപീകരിച്ച് എൻഡഎയിൽ ചേരാനാണ് അളഗിരിയുടെ തീരുമാനം.
Content Highlights; Amit Sha in Chennai
