ജയ്പൂര്‍: രാജസ്ഥാന്‍ പഞ്ചായത്ത് തെരഞ്ഞെടുപ്പിന്റെ ആദ്യ ഫല സൂചികകള്‍ പുറത്ത് വരുമ്പോള്‍ മുന്നേറി കോണ്‍ഗ്രസ്. 21 ജില്ലകളിലെ 4,371 പഞ്ചായത്ത് സമിതി സ്ഥാനത്തേക്കും 636 ജില്ലാ പരിഷത്ത് സ്ഥാനത്തേക്കുമാണ് തെരഞ്ഞെടുപ്പ് നടന്നത്. ഇതുവരെ ഫലം പുറത്തുവന്ന 153 പഞ്ചായത്ത് സമിതി സീറ്റുകളില്‍ 82 എണ്ണത്തിലും കോണ്‍ഗ്രസ് ജയിച്ചു. 56 ഇടത്ത് മാത്രമാണ് ബിജെപി മുന്നിലുള്ളത്.
ഇന്ന് രാവിലെ മുതല്‍ ആരംഭിച്ച വോട്ടെണ്ണല്‍ പുരോഗമിക്കുകയാണ്. കൊവിഡ് സാഹചര്യത്തില്‍ കര്‍ശന സുരക്ഷ മുന്‍കരുതലുകളോടെ സംസ്ഥാനത്ത് നടന്ന ആദ്യത്തെ തെരഞ്ഞെടുപ്പാണിത്. നാല് ഘട്ടങ്ങളിലായാണ് തെരഞ്ഞെടുപ്പ് പൂര്‍ത്തിയായത്.
ജില്ലാ പരിഷത്ത് തിരഞ്ഞെടുപ്പിലും കോണ്‍ഗ്രസ് വ്യക്തമായ ലീഡ് നിലനിര്‍ത്തുണ്ടെന്നാണ് ആദ്യ റിപ്പോര്‍ട്ടുകള്‍.
Content Highlight: Rajasthan Panchayat Samiti and Zila Parishad Election Results: Congress takes comfortable lead against BJP
