എറണാകുളം ബ്രോഡ്‌വേയില്‍ വ്യാപാരസ്ഥാപനത്തിന് തീപിടിച്ചു. രാവിലെ പത്തുമണിയോടെയാണ് സംഭവം. നാലു യൂണിറ്റ് ഫയര്‍ ഫോഴ്‌സ് സ്ഥലത്തെത്തിയിട്ടുണ്ട്. തീയണയ്ക്കുന്നതിനുള്ള ശ്രമങ്ങള്‍ പുരോഗമിക്കുകയാണ്. ബ്രോഡ് വേയിലെ പഴയ കെട്ടിടങ്ങളിലൊന്നിനാണ് തീപിടിച്ചത്. മറ്റു കെട്ടിടങ്ങളിലേക്ക് തീപടരാതിരിക്കാനുള്ള മുന്‍കരുതലും സ്വീകരിക്കുന്നുണ്ട്. തുണി, ഓയില്‍ തുടങ്ങിയ വസ്തുക്കള്‍ വില്‍ക്കുന്ന കടകള്‍ക്കു സമീപമാണ് തീപ്പിടിത്തമുണ്ടായിരിക്കുന്നത്. പ്രദേശത്തുനിന്ന് ആളുകളെ മാറ്റിയിട്ടുണ്ട്. അടുത്തത്തടുത്ത് കടകൾ ഉള്ളത് അപകടത്തിന്റെ വ്യാപ്തി വർധിപ്പിക്കുന്നു.
