തെലങ്കാന: സഹോദരിയുടെ ഭര്‍ത്താവിനെ കൊലപ്പെടുത്തി തലവെട്ടിയെടുത്ത് യുവാക്കള്‍ പോലീസ് സ്‌റ്റേഷനില്‍ കീഴടങ്ങി. സദ്ദാം എന്ന 26 കാരനെയാണ് ഭാര്യ സഹോദരങ്ങളായ ഇര്‍ഫാനും ഘൗസും ചേര്‍ന്ന് കൊലപ്പെടുത്തിയത്. അരിവാള്‍ ഉപയോഗിച്ചാണ് പ്രതികള്‍ തല അറുത്തു മാറ്റിയത്. കൊലപാതകത്തിന് ശേഷം സദ്ദാമിന്റെ അറുത്തെടുത്ത തലയുമായി ഇര്‍ഫാനും ഘൗസിയും പോലീസ് സ്‌റ്റേഷനില്‍ കീഴടങ്ങി.
തെലങ്കാനയിലെ നെല്‍ഗൊണ്ടയില്‍ നാംപള്ളി പോലീസ് സ്‌റ്റേഷന്‍ പരിതിയിലാണ് നാടിനെ നടുക്കിയ സംഭവം നടന്നത്. കുടുംബപ്രശ്‌നങ്ങളാണ് കൊലപാതകത്തിന് വഴിതെളിച്ചതെന്നാണ് പോലീസ് നിഗമനം. എന്നാല്‍ കൂടുതല്‍ അന്വേഷണം നടത്തിവരികയാണെന്നും പോലീസ് അറിയിച്ചു.
