ശബരിമലയിലെ യുവതി പ്രവേശനം കൊണ്ട് മാത്രം നവോത്ഥാനം പൂര്‍ണമാവില്ലെന്ന് തിരുവിതാംകൂര്‍ ദേവസ്വം ബോര്‍ഡ് പ്രസിഡന്‍റ് എ. പത്മകുമാര്‍. യുവതി പ്രവേശനത്തിലും മരടില്‍ നിര്‍മ്മിച്ച ഫ്ലാറ്റുകള്‍ക്കെതിരെയും സുപ്രീം കോടതി പുറപ്പെടുവിച്ച വിധി നടപ്പാക്കുന്നതില്‍ വ്യത്യസ്ത നിലപാട് സ്വീകരിച്ച സര്‍ക്കാരിനെതിരെയാണ് എ.പത്മകുമാര്‍ ഇപ്പോൾ രംഗത്തെത്തിയിരിക്കുന്നത്.
മരടില്‍ പത്തോ അമ്പതോ ഉടമകളേ ഉള്ളു. എന്നാല്‍, ശബരിമലയില്‍ ലക്ഷക്കണക്കിന് വിശ്വാസികളുണ്ട് എന്നും സുപ്രീംകോടതി വിധി എന്തായാലും അത് നടപ്പാക്കണമെന്നാണ് അന്ന് പറഞ്ഞതെന്നും പത്മകുമാര്‍ ചൂണ്ടിക്കാട്ടുന്നു. നവോത്ഥാനം എന്നത് പിന്നാക്ക വിഭാഗത്തിന്റെ ഉന്നതിയുമായി ബന്ധപ്പെട്ട് ഉയര്‍ന്നു വരേണ്ട പ്രശ്‌നമാണെന്നും ബിന്ദുവും കനകദുര്‍ഗയും ശബരിമലയില്‍ കയറിയതിലൂടെ വിധി നടപ്പിലായെന്നോ യുവതികള്‍ പ്രവേശിച്ചെന്നോ കാണേണ്ട എന്നും അദ്ദേഹം കൂട്ടിച്ചേര്‍ത്തു.
Content Highlights: The Renaissance will not be complete only with the entry of the young women says A. Padmakumar.
