ഡൽഹി നിയമസഭാ തെരഞ്ഞെടുപ്പ് തീയതി പ്രഖ്യാപിച്ചു. ഫെബ്രുവരി 8 ന് വോട്ടെടുപ്പ് നടക്കും. ഫെബ്രുവരി 11 നാണ് വോട്ടെണ്ണൽ. 70 മണ്ഡലങ്ങളിലേക്ക് ഒറ്റ ഘട്ടമായിയാണ് തെരഞ്ഞെടുപ്പ് നടക്കുന്നത്. ജനുവരി 21 നാണ് നാമനിർദ്ദേശ പത്രിക സമർപ്പിക്കാനുളള അവസാന ദിവസം. പത്രികയുടെ സൂക്ഷ്മ പരിശോധന ജനുവരി 22 ന് നടക്കും.
ഈ മാസം 14 നാണ് തെരഞ്ഞെടുപ്പ് വിജ്ഞാപനം പുറത്തിറങ്ങുന്നത്. 13,750 പോളിങ് സ്റ്റേഷനുകളിലായി ഒരു കോടി 46 ലക്ഷം ജനങ്ങൾ സമ്മതിദാനവകാശം വിനിയോഗിക്കുമെന്ന് മുഖ്യ തെരഞ്ഞെടുപ്പ് ഓഫീസർ സുനിൽ അറോറ അറിയിച്ചു. വലിയ പ്രതിഷേധങ്ങൾ നിലനിൽക്കുന്ന സാഹചര്യത്തിലാണ് ദില്ലി തെരഞ്ഞെടുപ്പിനെ നേരിടാൻ പോകുന്നത്.
സുരക്ഷ ക്രമീകരണങ്ങൾ വിലയിരുത്തിയ ശേഷമാണ് തെരഞ്ഞെടുപ്പ് തീയതി പ്രഖ്യാപിച്ചതെന്ന് സുനിൽ അറോറ പറഞ്ഞു. കഴിഞ്ഞ തെരഞ്ഞെടുപ്പുകളിൽ ദേശീയ രാഷ്ട്രീയത്തിലെ അഴിമതി ചർച്ചയായിരുന്നു.
content highlights: Delhi election date declared
