ദോഹ: കൊറോണ വൈറസ് ബാധയെ തുടര്‍ന്ന് ഖത്തറില്‍ നാളെ മുതല്‍ എല്ലാ വിദ്യാഭ്യാസസഥാപനങ്ങള്‍ക്കും അവധി പ്രഖ്യാപിച്ചു. സര്‍ക്കാര്‍-സ്വകാര്യ സ്കൂളുകള്‍, സര്‍വകലാശാലകള്‍ എന്നിവ ഇനിയൊരു അറിയിപ്പ് ഉണ്ടാകുന്നതുവരെ പ്രവര്‍ത്തിക്കില്ല.
അതിനിടെ, ഖത്തറില്‍ മൂന്നു പേര്‍ക്ക് കൂടി കൊറോണ വൈറസ് സ്ഥിരീകരിച്ചു. ഹൈപ്പര്‍ മാര്‍ക്കറ്റിലെയും സെന്‍റര്‍ മാര്‍ക്കറ്റിലെയും ജീവനക്കാര്‍ക്കാണ് സ്ഥിരീകരിച്ചത്. ഇതോടെ ഖത്തറില്‍ രോഗം ബാധിച്ചവരുടെ എണ്ണം 18 ആയി.
രാജ്യത്ത് ഇപ്പോഴും രോഗബാധയുടെ അളവ് ഏറെ കുറവാണെന്നും ആശങ്കപ്പെടേണ്ടതില്ലെന്നും പൊതുജനാരോഗ്യമന്ത്രാലയം അറിയിച്ചു. കൊറോണ സംബന്ധിച്ച എല്ലാ വിവരങ്ങളും പൊതുജനങ്ങള്‍ക്ക് അറിയാനായി മന്ത്രാലയം 24 മണിക്കൂറും പ്രവർത്തിക്കുന്ന കോള്‍ സെന്റർ പ്രവര്‍ത്തിപ്പിക്കുന്നുണ്ട്. 16000 എന്ന ടോള്‍ഫ്രീ നമ്പറില്‍ വിളിച്ചാല്‍ പൊതുജനങ്ങള്‍ക്ക് എല്ലാ വിവരങ്ങളും ലഭ്യമാകും.
Content Highlight: Educational Institutions of Qatar will close from tomorrow amid corona virus
