ജോതിരാദിത്യ സിന്ധ്യയെ പോലെ സച്ചിനും ബിജെപി ക്യാംപിലെത്തുമെന്ന് പറഞ്ഞ കോൺഗ്രസ് നേതാക്കെതിരെ മറുപടിയുമായി രംഗത്തെത്തിയിരിക്കുകയാണ് കോണ്‍ഗ്രസ് നേതാവ് സച്ചിൻ പൈലറ്റ്. പാർട്ടി നേതൃത്വങ്ങളുമായ ഇടഞ്ഞ് ബിജെപിയിൽ ചേരുമെന്ന വാദങ്ങൾ സച്ചിൻ പൂർണമായും തള്ളിക്കളയുകയാണ്.
തനിക്കെതിരെ കോൺഗ്രസ് കള്ളപ്രചരണം നടത്തുകയാണെന്നും ബിജെപിയിലേക്ക് താൻ പോകില്ലെന്നും സച്ചിൻ വ്യക്തമാക്കി. ഇപ്പോഴും താൻ കോൺഗ്രസിൽ തന്നെയാണെന്നും രാജസ്ഥാനിൽ ബിജെപിക്കെതിരെ പോരാടി അവരെ പരാജയപെടുത്തിയത് താനാണെന്നും എപ്പോഴും കോൺഗ്രസിൽ തന്നെ ഉണ്ടാകുമെന്നും അദ്ധേഹം പറഞ്ഞു.
അതേ സമയം സച്ചിൻ പൈലറ്റിൻ്റെ നീക്കം അറിഞ്ഞ ശേഷം ജയ്പൂരിൽ ഇന്ന് ചേരാനിരുന്ന ബിജെപി നേതൃയോഗം വൈകിട്ടത്തേക്ക് മാറ്റി വെച്ചു. വിമത എംഎൽഎ മാരെ ഗുരുഗ്രാമിലെത്തിച്ച് ദില്ലിയിലേക്ക് എത്തിയ സച്ചിൻ പൈലറ്റ് രാജസ്ഥാനിലെ അശോക് ഗെല്ലോട്ട് സർക്കാരിനെതിരെ കലാപ ക്കോടി ഉയർത്തിയിരുന്നു. സച്ചിനെ പിസിസി അധ്യക്ഷ , ഉപമുഖ്യമന്ത്രി സ്ഥാനത്ത് നിന്നും നീക്കം ചെയ്ത ഐസിസി നേതൃത്വം സച്ചിന് വഴങ്ങേണ്ടതില്ലെന്ന നിലപാടാണ് സ്വീകരിച്ചിരിക്കുന്നത്.
Content Highlights; sachin pilot denies the rumours that he will join bjp
