മലയാളത്തിൻ്റെ സൂപ്പർതാരം മോഹൻലാലിൻ്റെ വിശേഷങ്ങൾ സോഷ്യൽ മീഡിയ ലോകത്ത് വൈറലാകാറുണ്ട്. ഈ ലോക്ക് ഡൌൺ കാലത്തും സോഷ്യൽ മീഡിയയിൽ തൻ്റെ ആരാധകർക്കൊപ്പം വീഡിയോകളിലൂടെയും മറ്റും സംവദിച്ചിരുന്നു. ലോക്ക്ഡൌൺ കാലത്ത് താടി വളർത്തിയുള്ള ലുക്ക് ഏറെ ശ്രദ്ധ നേടുകയും ചെയ്തിരുന്നു.
മെയ് 21 ന് ജന്മദിനത്തിൽ അദ്ദേഹത്തിൻ്റെ കട്ടത്താടി ചിത്രങ്ങളും വീഡിയോകളുമൊക്കെ സോഷ്യൽ മീഡിയയിൽ ഇടം പിടിച്ചിരുന്നു. ഇപ്പോഴിതാ അദ്ദേഹത്തിൻ്റെ വേറിട്ട വേഷപകർച്ചകൾ ഏറെ വൈറലായിരിക്കുകയാണ്. കട്ടത്താടി ലുക്കിലും മീശ പിരിച്ചും, രാവണനായും കിടിലൻ ലുക്കിലാണ് മോഹൻ ലാൽ എത്തിയിരിക്കുന്നത്. താടി വെച്ച് മൈ ജീ ഷോപ്പ് പരസ്യത്തിനായി എത്തിയിരുന്നു. ഇപ്പോഴിതാ പുരാണ കഥാപാത്രങ്ങളുടെ ലുക്കിലാണ് ലാൽ എത്തിയിരിക്കുന്നത്.
ഓണത്തിനായി ഏഷ്യാനെറ്റ് ചാനലിൽ നടക്കുന്ന ലാലോണം നല്ലോണം പരിപാടിയുടെ ഭാഗമായാണ് ഈ മേക്കോവർ എന്നാണ് സൂചന. രാവണനോ, മഹാബലിയോ എന്നൊക്കെ ചോദിച്ച് നിരവധി പേരാണ് ചിത്രത്തിന് താഴെ എത്തിയിരിക്കുന്നത്. സെപ്റ്റംബറിൽ ദൃശ്യം 2 ഷൂട്ട് നടക്കാനിരിക്കുകയാണ്. സെപ്റ്റംബർ രണ്ടാം വാരത്തോടെ കൊച്ചിയിൽ സിനിമയുടെ ഇൻഡോർ ഷൂട്ട് ആരംഭിക്കുമെന്നാണ് അറിയാൻ കഴിഞ്ഞിട്ടുള്ളത്. ഈ സിനിമയിൽ നാടൻ ലുക്കിലായിരിക്കും ലാൽ എത്തുന്നതെന്നാണ് സൂചന.
Content Highlights; mohanlal diffrent looks
