അന്തർ ദേശിയ പുരസ്കാരങ്ങൾ നേടിയ എസ്. ദുർഗ്ഗക്കും ചോലക്കും ശേഷം സനൽകുമാർ ശശിധരൻ സംവിധാനം ചെയ്യുന്ന ചിത്രം കയറ്റത്തിൻ്റെ ട്രെയിലർ പുറത്തുവിട്ടു. മഞ്ജു വാരിയർ ആണ് ചിത്രത്തിൽ പ്രധാന വേഷത്തിലെത്തുന്നത്. ഒരു കൂട്ടം അപരിചിതരുടെ ഹിമാലയൻ മലകയറ്റത്തിൻ്റെ കഥ പറയുന്ന ചിത്രത്തിൻ്റെ തിരക്കഥ രചന, എഡിറ്റിംഗ്, സൌണ്ട് ഡിസെെൻ എന്നിവയും സംവിധായകൻ സനൽകുമാർ ശശീധരൻ തന്നെയാണ് നിർവഹിച്ചിരിക്കുന്നത്.
ജോസഫ് എന്ന സിനിമയിൽ ശ്രദ്ധേയമായ വേഷം ചെയ്ത വേദ് വെെബ്സ്, പുതുമുഖം ഗൌരവ് രവീന്ദ്രൻ, എന്നിവരും ചിത്രത്തിൽ അഭിനയിക്കുന്നുണ്ട്. കയറ്റം എന്ന ചിത്രത്തിന് വേണ്ടി തയ്യാറാക്കിയ അഹർസംസ എന്ന ഭാഷയാണ് ചിത്രത്തിൻ്റെ മറ്റൊരു പ്രത്യേകത. മഞ്ജു വാര്യർ പ്രൊഡക്ഷൻസ്, നിവ് ആർട്ട് മൂവീസ് എന്നീ ബാനറുകളിൽ ഷാജി മാത്യു, അരുണ മാത്യു, മഞ്ജു വാര്യർ എന്നിവർ ചേർന്നാണ് ചിത്രം നിർമ്മിക്കുന്നത്. എല്ലാ ഗാനങ്ങളും ഷൂട്ടിംഗ് നടന്നിരുന്ന ഹിമാലയന്‍ ട്രെക്കിംഗ് സൈറ്റുകളില്‍ ഓണ്‍ ദി സ്‌പോട്ട് ഇംപ്രൊവൈസേഷന്‍ ആയിട്ടാണ് ചിട്ടപ്പെടുത്തിയിരിക്കുന്നത് എന്നതും ചിത്രത്തിൻ്റെ സവിശേഷതയാണ്.
content highlights: Manju Warrier kayattam trailer out
