മിലാന്‍: കോവിഡ്-19 വൈറസ് ബാധയെ തുടര്‍ന്ന് ഇറ്റലിയില്‍ കുടുങ്ങിയ 218 ഇന്ത്യക്കാരെ നാട്ടിലെത്തിച്ചു. 211 ഇന്ത്യന്‍ വിദ്യാര്‍ഥികള്‍ ഉള്‍പ്പെടെയുള്ള ഇന്ത്യന്‍ സംഘമാണ് എയര്‍ ഇന്ത്യ വിമാനത്തില്‍ ഞായറാഴ്ച രാവിലെ ഡല്‍ഹിയില്‍ എത്തിയത്.
ദുഷ്കരമായ ഈ സാഹചര്യത്തില്‍ തങ്ങളെ സഹായിച്ച എയര്‍ഇന്ത്യ ടീമിനും ഇറ്റാലിയന്‍ അധികാരികള്‍ക്കും പ്രത്യേകം നന്ദി പറയുന്നതായി മിലാനിലെ ഇന്ത്യന്‍ കോണ്‍സുലേറ്റ് അറിയിച്ചു. വടക്കന്‍ ഇറ്റലിയിലുള്ള എല്ലാ ഇന്ത്യക്കാരുടെയും ക്ഷേമം ഉറപ്പാക്കാന്‍ കോണ്‍സുലേറ്റ് തുടരുമെന്നും അധികൃതര്‍ ട്വീറ്റ് ചെയ്തു.
ഡല്‍ഹിയില്‍ എത്തിയവരെ 14 ദിവസത്തേക്ക് ഐസൊലേറ്റ് ചെയ്യും. ലോകാരോഗ്യ സംഘടന കോവിഡ്-19നെ മഹാമാരിയായി പ്രഖ്യാപിച്ചിരുന്നു. യൂറോപ്പാണ് ഇപ്പോഴത്തെ വൈറസിന്റെ ഉത്ഭവകേന്ദ്രം.
Content Highlight: 218 Indians from Italy bring to home land
