ഫ്ലവേഴ്സ് ചാനലിൽ സംപ്രേഷണം ചെയ്യുന്ന കോമഡി പരിപാടിയായ സ്റ്റാർ മാജിക്കിൻ്റെ സ്കിറ്റിൽ മോഹൻലാലിനെ അധിക്ഷേപിച്ചെന്ന ആരോപണത്തെ തുടർന്ന് ചാനൽ മാപ്പ് പറഞ്ഞു. മോഹൻലാലിനെ സ്റ്റേഹിക്കുന്നവർക്കുണ്ടായ വിഷമത്തിൽ ഖേദം പ്രകടിപ്പിക്കുന്നതായി ചാനൽ പ്രസ്താവനയിൽ പറഞ്ഞു.
സ്റ്റാർ മാജികിൽ അവതരിപ്പിച്ച സ്കിറ്റിൽ മോഹൻലാലിനെ അപമാനിച്ചെന്ന് ചൂണ്ടികാട്ടി സോഷ്യൽ മീഡിയയിൽ വൻ ആരോപണം ഉയർന്നിരുന്നു. ലാലേട്ടൻ എന്നത് ലാലപ്പൻ എന്നായിരുന്നു സ്കിറ്റിൽ ഉപയോഗിച്ചത്. എന്നാൽ മോഹൻലാലിനെ അധിക്ഷേപിക്കുക എന്ന ഉദ്ദേശത്തോടെയല്ല സ്കിറ്റ് ചെയ്തതെന്നും അദ്ദേഹം നിരവധി പരിപാടികളിൽ അതിഥിയായി എത്തിയിട്ടുണ്ടെന്നും ചാനൽ വ്യക്തമാക്കി.
സ്റ്റാർ മാജികിൻ്റെ ഒരു എപ്പിസോഡിൽ മോഹൻലാലിൻ്റെ പേര് പരാമർശിച്ചത് അരാധകരുടെ വികാരത്തെ വ്രണപ്പെടുത്തിയതായി തിരിച്ചറിയുന്നുവെന്നും വേദനയ്ക്കാൻ ഇടയായവരോട് എല്ലാവരോടും മാപ്പ് ചോദിക്കുന്നുവെന്നും ഫ്ലവേഴ്സ് ടിവി പ്രസ്താവനയിലൂടെ അറിയിച്ചു.
content highlights: Flower channel apologized to Mohanlal fans on star magic episode
