വിജയ് എംജിആറിന്റെ പിൻഗാമിയെന്നും ഉടൻ രാഷ്ട്രീയത്തിലിറങ്ങണമെന്ന ആവശ്യവുമായി തമിഴ്നാട്ടിലുട നീളം പോസ്റ്റർ പതിപ്പിച്ച് ആരാധകർ. തമിഴ്നാടിന്റെ നന്മക്കായി ഉടൻ രാഷ്ട്രീയത്തിലേക്ക് ഇറങ്ങണമെന്ന് ആവശ്യപെട്ടാണ് വിജയ് ആരാധകരുടെ പോസ്റ്റർ. എംജിആറിന്റെ പിൻഗാമിയെന്ന തലക്കെട്ടോടെ എംജിആർ കഥാപാത്രങ്ങളായി ചിത്രീകരിച്ചു കൊണ്ടാണ് പോസ്റ്റർ പതിപ്പിച്ചത്. കാഞ്ചീപുരം, മധുര, സേലം, രാമനാഥപുരം ഉൾപെടെയുള്ള സ്ഥലങ്ങളിൽ പോസ്റ്റർ പ്രത്യക്ഷപെട്ടു.
വിജയ് എംജിആറായും ഭാര്യ സംഗീതയെ ജയലളിതയായും ചിത്രീകരിച്ച് നേരത്തെയും ആരാധകർ പോസ്റ്റർ പതിപ്പിച്ചിരുന്നു. വിജയിയുടെ രാഷ്ട്രീയ പ്രവേശനം ഉടൻ എന്ന ഹാഷ്ടാഗോടെ സമൂഹ മാധ്യമങ്ങളിലും ചർച്ചകൾ സജീവമായി നടക്കുകയാണ്. ആദായ നികുതി റെയ്ഡും ബിജെപിക്കും അണ്ണാഡിഎംകെയ്ക്കും എതിരായ താരത്തിന്റെ പ്രസ്താവനകൾ ഉയർത്തി കാട്ടിയാണ് പ്രചാരണം. എന്നാൽ ഇതിനിടെ ഡിഎംകെയുടെ പുതിയ ഭാരവാഹികൾക്ക് ആശംസ അറിയിച്ച് നടൻ രജനീകാന്ത് രംഗത്തെത്തിയത് പുതിയ അഭ്യൂഹങ്ങൾക്ക് വഴി വെച്ചിരിക്കുകയാണ്.
Content Highlights; Successor of Vijay MGR; Fans post posters all over Tamil Nadu demanding immediate entry into politics
