ധനുഷിനെ നായകനാക്കി മാരി സെൽവരാജ് സംവിധാനം ചെയ്യുന്ന ഏറ്റവും പുതിയ ചിത്രം കർണന്റെ പുതിയ പോസ്റ്റർ പുറത്ത്. ചിത്രത്തിന്റെ അണിയറ പ്രവർത്തകരാണ് പോസ്റ്റർ പുറത്ത് വിട്ടത്. കയ്യിൽ വാളുമായി കുതിരപ്പുറത്തേറി നിൽക്കുന്ന ധമുഷിനെയാണ് പോസ്റ്ററിൽ കാണാൻ കഴിയുന്നത്. പശ്ചാത്തലത്തിൽ പട്ടാക്കാർ അണിനിരന്ന് നിൽക്കുന്നതും കാണാം. മലയാളത്തിലെ പ്രിയ നടി രജീഷ വിജയനാണ് ചിത്രത്തിൽ നായികയായി എത്തുന്നത്.
ഡിസംബറിലാണ് ചിത്രീകരണം പൂർത്തിയാക്കിയത്. പരിയറും പെരുമാൾ എന്ന ചിത്രത്തിലൂടെ പ്രേക്ഷക ശ്രദ്ധ നേടിയ സംവിധായകനാണ് മാരി സെൽവരാജ്. തമിഴ് ഗ്രാമീണ പശ്ചാത്തലത്തിൽ ജാതീയതയുടെ തീക്ഷ്ണ രാഷ്ട്രീയം പറഞ്ഞ ചിത്രം ഏറെ പുരസ്കാരങ്ങളും നേടിയിരുന്നു. വി ക്രിയേഷൻസിന്റെ ബാനറിൽ കലൈപ്പുലി എസ് താണുവാണ് നിർമ്മാണം. ധനുഷിന്റെ നാൽപ്പത്തിയൊന്നാമത്തെ ചിത്രമാണ് കർണൻ.
Content Highlights; karnan movie new poster released
